Une plêf (dal latin plebs, “popul”) o glesie parochiâl e je un puest di adorazion catolic. Inte Ete di Mieç, chest tiermin al indicave ancje une comunitât di crodints e il teritori dulà che la parochie (plevanie) e veve la sô jurisdizion. Ta prime Ete di Mieç lis funzions liturgjichis plui impuartantis da comunitât a jerin risiervadis a lôr parcè che a jerin lis unichis glesiis che a vevin un batisteri. Par cheste reson la parochie e jere clamade “glesie matriç”: lis glesiis e lis capelis cence batisteri a dipendevin di jê. Da tarde Ete di Mieç lis funzions de plêf a passarin a parochie.